Slalomchilarimiz BAA yig’inida
Slalomda eshkak eshish bo’yicha O’zbekiston terma jamoasi shu kunlarda BAAning Al-Ayn shahrida tashkil etilayotgan xalqaro o’quv-mashg’ulot yig’inida ishtirok etmoqda. “Wadi Adventure” kanalida o’tayotgan mashg’ulotlar 17-fevralga qadar davom etadi.
Mazkur yig’in litsenzion Osiyo chempionati, Xanchjou-2022 Osiyo o’yinlari, shuningdek, yangi mavsumda kutib turgan startlar uchun asosiy tayyorgarlik vazifasini o’tab beradi.
Keng qulayliklarga ega bazada hamyurtlarimiz Buyuk Britaniya, Polsha, Niderlandiya, Sloveniya, Chexiya, Slovakiya davlatlardan Tokio-2020 Olimpiadasi va jahon chempionatlarida shohsupaga ko’tarilgan atletlar bilan shug’ullanishmoqda. Terma jamoamiz tarkibi:
C1:
Alibek Temirgaliyev
Abubakir Bukanov
Sherzod Qurbanaliyev
K1:
Jonibek Temirgaliyev
Barkamol Mirzahamdamov
Shahobiddin Boltaboyev
Murabbiylar: Pavel Smirnov, Izzatilla Rahmatillayev
