12 Yanvar 2023
1066
Taekvondochilarimiz katta tarkibda Turkiya yigʻiniga yoʻl olishdi
Rejaga koʻra, taekvondo WT boʻyicha Oʻzbekiston terma jamoasi yilning ilk yigʻinini Antalya shahrida oʻtkazadi. Bugun terma jamoaning soʻnggi guruhi Turkiyaga yoʻl oldi.
Mezbon jamoa bilan tashkil etiladigan oʻquv-mashgʻulot yigʻiniga terma jamoamiz murabbiylar shtabi Ulugʻbek Rashitov, Nikita Rafalovich, Niyaz Pulatov, Svetlana Osipova, Feruza Sodiqova kabi asosiy va zaxira tarkibdagi 22 nafar sportchini jalb qilgan. Mashgʻulotlar 31-yanvarga qadar davom etadi. Yigʻin doirasida hamyurtlarimiz “Antalya Open” xalqaro musobaqasida ishtirok etishi koʻzda tutilgan.
