Alisher Yusupov (+100 kg) faoliyatida ilk bor Masters seriyasiga kiruvchi musobaqada shohsupaga ko‘tarilmoqda. Hamyurtimiz bronza medali uchun kechgan bellashuvda mo‘g‘ulistonlik Sensensengel Odxuni mag‘lubiyatga uchratdi.

Afsuski, Davlat Bobonov (-90 kg) uchinchi o‘rin uchun kechgan kurashda gruziyalik Luka Maysuradzega imkoniyatni boy berdi. Shu tariqa, O‘zbekiston terma jamoasi Isroilda yakuniga yetgan yilning eng so‘nggi musobaqasini 1 ta kumush va 2 ta bronza medali bilan tugatmoqda.