Xorijlik psixolog terma jamoalarimiz uchun seminarlar oʻtkazdi
MOQ qoshidagi Respublika sport tibbiyoti ilmiy-amaliy markazi barcha terma terma jamoalarimizga turli yoʻnalishdagi konsultatsiyalar tashkil etmoqda. Shu jumladan, Markaz tomonidan rossiyalik psixolog Temur Sultanov ishtirokida koʻplab terma jamoalarimiz uchun seminarlar oʻtkazildi.
T.Sultanov tashrif davomida 300 nafardan ortiq sportchi bilan muloqot oʻtkazdi. Ular orasida shikoyat yoki turli savollar orqali murojaat qilgan 82 nafar atlet bilan alohida ishlanib, ularga kerakli tavsiyalar berildi. Treninglar davomida Markaz psixologlari ham ishtirok etib, malakali mutaxassis bilan ishlash davomida oʻzlari uchun qimmatli tajriba toʻplashdi.
Psixologik tayyorgarlik gʻalaba yoʻlidagi muhim omillardan biri. Shuni inobatga olgan holda aytish mumkinki, bu kabi seminarlar atletlarimiz uchun kelgusida yangi gʻalabalar yoʻlida as qotadi.
