16 Noyabr 2022
1463
Taekvondochilarimizning muvaffaqiyati haqida faktlar
Taekvondo WT bo‘yicha O‘zbekiston terma jamoasi vakillari Nikita Rafalovich (-87 kg) hamda Feruza Sodiqova (-62 kg) Meksikada o‘tayotgan jahon chempionatining bronza medalini qo‘lga kiritishgani haqida xabar bergan edik. Ushbu medallarning ahamiyati haqida quyidagi ma’lumotlarni eslab o‘tish o‘rinli:
- Terma jamoamiz so‘nggi bor 2017 yil Koreya Respublikasida o‘tkazilgan jahon chempionatida medal qo‘lga kiritgan edi.
- Bu Nikita Rafalovichga jahon chempionatlaridagi uchinchi, Feruza Sodiqova uchun birinchi medal. Bungacha Nikitaning hisobida ikkita kumush medali ham bor edi.
- Mazkur medal Rafalovich uchun yangi vazn toifasida dastlabkisi hisoblanadi. Bungacha ikki kumushni -74 kg vazn toifasida qo‘lga kiritgan.
- Ushbu muvaffaqiyat bilan har ikki sportchimiz Parij-2024 Olimpiadasi yo‘lida o‘z hisoblariga 50.40 reyting ochkosini qo‘shib qo‘yishmoqda.
