10 Noyabr 2022
1070
“Yunusobod sport kompleksi” boks boʻyicha Oʻzbekiston chempionatiga mezbonlik qiladi
“Yunusobod sport kompleksi” 7-14-dekabr kunlari boks boʻyicha Oʻzbekiston chempionatiga mezbonlik qiladi. Erkaklar va ayollar oʻrtasida tashkil etiladigan musobaqada mamlakatimizning eng kuchli charmqoʻlqop ustalari bahs olib borishadi. Bahslarning shaffof boʻlishini taʼminlash maqsadida bu yil ham xorijlik yetakchi referilarning musobaqaga tashrifi kutilmoqda.
Bu yilgi Oʻzbekiston chempionati oʻzgacha ahamiyatga ega. Boisi, musobaqa kelasi yil boʻlib oʻtadigan Xanchjou-2022 Osiyo oʻyinlari, shuningdek, poytaxtimizda oʻtadigan jahon chempionatiga terma jamoa tarkibini shakllantirish yoʻlida muhim bosqich boʻlib xizmat qiladi.
