Zamonaviy sportda muvaffaqiyatlarga erishish uchun har bir sohadagi soʻnggi yutuqlardan boxabar boʻlish juda muhim. Ayniqsa, Osiyo oʻyinlari oldidan. Xanchjou-2022 ga tayyorgarlik yoʻlida qitʼamizning 14 mamlakatidan tashrif buyurgan 200 nafardan ortiq murabbiy va hakamlar dzyudo, boks, ogʻir atletika, suzish hamda sport kurashlari boʻyicha oʻz yoʻnalishlaridagi soʻnggi yangiliklardan xabardor boʻlishdi.

“Zamonaviy taʼlim bilan Olimp choʻqqisi sari” shiori ostida oʻtgan seminarga Osiyo Olimpiya kengashi mutasaddilari yuqori baho berishdi. Ular mamlakatimiz bunday tadbirlarni doimgidek yuqori darajada tashkil qilganini taʼkidlab, bu kabi loyihalarni qoʻllab-quvvatlagan hukumatimizga minnatdorchilik bildirishdi.