29 Oktyabr 2022 1502

Ular taekvondo bo‘yicha jahon chempionatida yurtimiz sharafini himoya qilishadi

Taekvondo WT muxlislari intiqib kutayotgangan jahon chempionati yaqinlashib kelmoqda. 3 yillik tanaffusdan so‘ng o‘tkaziladigan dunyo birinchiligiga bu yil Meksikaning Gvadalaxara shahri 13-20 noyabr kunlari mezbonlik qiladi. Musobaqa Parij-2024 Olimpiadasi reytingi uchun g‘olibga 140 ochko taqdim qilishi unga bo‘lgan qiziqishni yanada oshirmoqda.

O‘zbekiston terma jamoasi murabbiylar shtabi mazkur chempionatda ishtirok etadigan tarkibni ma’lum qildi. Unda Tokio-2020 Olimpiadasi chempioni Ulug‘bek Rashitov, Olimpiada ishtirokchilari Nikita Rafalovich, Svetlana Osipova kabi nomdor sportchilar qatorida yangi nomlarni ham uchratish mumkin. Jamoaning to‘liq tarkibi quyidagicha:

-54 kg: Jahongir Xudoyberidev

-58 kg: Amir To‘rayev

-63 kg: Niyaz Pulatov

-68 kg: Ulug‘bek Rashitov

-74 kg: Jasur Jaysunov

-80 kg: Shuhrat Salayev

-87 kg: Nikita Rafalovich

+87 kg: Marat Mavlonov

-46 kg: Zuhra Tojimatova

-49 kg: Zarnigor Husniddinova

-53 kg: Sitora Ergasheva

-57 kg: Madina Mirbzalova

-62 kg: Feruza Sodiqova

-67 kg: Ozoda Sobirjonova

-73 kg: Saodat Aliyeva

+73 kg: Svetlana Osipova

O‘zbekiston Milliy Olimpiya qo‘mitasi bo‘lajak dunyo birinchiligida jamoamizga omad va zafarlar tilaydi.

Text to speech