26 Oktyabr 2022 565

Sport gimnastikachilarimiz Chusovitinasiz jahon chempionatiga yo‘l olishdi

29-oktyabr – 6-noyabr kunlari Angliyaning Liverpul shahrida sport gimnastikasi bo‘yicha jahon chempionati bo‘lib o‘tadi. Unda jamoaviy yo‘nalishda Parij-2024 Olimpiadasi uchun yo‘llanmalar o‘ynaladi. Bo‘lajak dunyo birinchiligida ishtirok etadigan O‘zbekiston terma jamoasi bugun “Tumanli Albion”ga jo‘nab ketdi.

Ma’lum qilganimizdek, jamoa Gruziyaning Tbilisi shahrida so‘nggi o‘quv-mashg‘ulot yig‘inini olib borgach ushbu shahardan Liverpulga yo‘l oldi. Ahamiyatlisi, tarkibda tajribali Oksana Chusovitina yo‘q. Dunyo birinchiligida qatnashadigan tarkib quyidagicha:

Rasuljon Abdurahimov
Abdulla Azimov
O‘tkirbek Jo‘rayev
Habibullo Ergashev
Dildora Aripova
Ominaxon Halilova

Text to speech