Dzyudochimiz Diyora Keldiyorova Abu-Dabi “Katta dubulgʻa” turnirining final yoʻllanmasini qoʻlga kiritdi. -52 kg vazn toifasida ishtirok etayotgan sportchimiz dastlab ispaniyalik Ana Peres Boks, soʻng marokashlik Sumiya Irauini, yarim finalda esa ikki karra Olimpiada sovrindori italiyalik Odette Jufridani ippon bahosi bilan magʻlubiyatga uchratdi.

Samarqandlik dzyudochimiz kechki dasturda oltin medal uchun fransiyalik Astrid Gnetoga qarshi tatamiga chiqadi. Afsuski, bugun bahs olib borgan Halima Qurbonova (-48 kg) hamda Shukurjon Aminova (-57 kg) medallar uchun kurashni erta tark etishdi.