21 Oktyabr 2022
1238
Seulda Milliy Olimpiya qo‘mitalari assotsiatsiyasining (MOQA) XXVI Bosh Assambleyasi o‘z yakuniga yetdi
Tadbir davomida shahar meri Sixun Ox Koreya Respublikasi poytaxti 2036-yilgi yozgi Olimpiya va Paralimpiya o‘yinlarini o‘tkazishga katta qiziqish bildirayotganini ma’lum qildi.
Koreyaliklar 2002-yilgi Osiyo o‘yinlarini o‘zida qabul qilgan Busan nomzodini ham ko‘rib chiqish ehtimolini bildirgan. Eslatib o‘tamiz, Seul 1988-yil yozgi Olimpiadaga mezbonlik qilgan. Ushbu poytaxt shahar 2032-yilgi yozgi Olimpiada mezbonligini qo‘lga kiritish uchun ham urinib ko‘rgan edi.
Ma’lumot uchun, Koreya Respublikasidan tashqari Misr, Vengriya, Qatar, Ispaniya, Turkiya, Rossiya, Meksika, Hindiston, Buyuk Britaniya, Germaniya mamlakatlari ham 2036-yilda 4 yillikning eng nufuzli musobaqasini qabul qilish istagida.
