16 Oktyabr 2022
1397
Sharifa Davronova – ikki karra Osiyo chempioni!
Bu yil oʻzbek yengil atletikasida porlagan Sharifa Davronova yana bir chempionlikni tantana qildi. Quvaytda oʻtayotgan yoshlar oʻrtasidagi qitʼa birinchiligida hamyurtimiz oʻzining sevimli uch hatlab sakrash dasturida tengsiz boʻldi.
Davronovaga bu galgi chempionlikni rasmiylashtirish uchun 13,23 metr yetarli boʻldi. Bilamizki, ushbu atletimizning potensiali aslida bundan ham yuqori. Mazkur dasturda ishtirok etgan boshqa bir vakilamiz Xushnoza Shavkatova esa 12,23 metr bilan kumush medalni qoʻlga kiritdi. Shu tariqa, Sharifa Davronova ushbu Osiyo chempionatida uzunlikka sakrash va uch hatlab sakrash sektorlarini gʻalaba bilan yakunladi.
