Bahrayn mezbonlik qilayotgan qit’a birinchiligida erkaklar o’rtasida -81 kg vazn toifasida g’olib va sovrindorlar aniqlandi. Quvonarlisi, unda ishtirok etgan har ikki vakilimiz shohsupaga ko’tarildi.

Dast ko’tarish mashqida 154 kg natija bilan kumush medalni rasmiylashtirgan Muhammadqodir Toshtemirov siltab ko’tarish dasturida 192 kg bilan yana bir kumush, ikki kurash bo’yicha esa 346 kg bilan bronza medaliga sazovor bo’ldi. Shuningdek, siltab ko’tarish mashqida 189 kg tosh ko’targan Og’abek To’xtayev bronza medalini qo’lga kiritdi.