12 Oktyabr 2022
947
Fransiyada velotrek bo'yicha jahon chempionati boshlanmoqda
Bugun Fransiya poytaxtida velosportning trek yoʻnalishi boʻyicha jahon chempionati start oladi. 16-oktyabrga qadar davom etadigan musobaqada terma jamoamiz katta tarkibda ishtirok etadi.
Bahslarga Parij-2024 Olimpiadasiga mezbonlik qiladigan “Milliy velodrom” arenasi mezbonlik qiladi. Reglamentga koʻra, bugun erkaklar va ayollar oʻrtasidagi jamoaviy poyga bilan dunyo birinchiligiga start beriladi. Bugun quyidagi sportchilarimiz yurtimiz sharafini himoya qilishadi:
Erkaklar: Aleksey Fomovskiy, Dmitriy Bocharov, Daniil Yevdokimov, Edem Eminov, Vladislav Troman.
Ayollar: Yanina Kuskova, Sofiya Karimova, Margarita Misyurina, Madina Qahhorova, Nafosat Koziyeva.
