O‘zbekiston Milliy Olimpiya qo‘mitasi qoshidagi Respublika sport tibbiyoti ilmiy-amaliy markazi (RSTIAM) xodimlaridan tashkil topgan ishchi guruh Sirdaryo viloyati, Guliston shahrida joylashgan Olimpiya va Paralimpiya sport turlariga tayyorlash markaziga tashrif buyurdi. Unda ushbu muassasa hamda viloyat Bolalar va o‘smirlar sport maktabi tibbiyot xodimlari bilan uchrashuv o‘tkazildi. Yig‘ilishda markaz mutaxassislari sport tibbiyotining bugungi kundagi ahamiyati va uni rivojlantirish masalalari haqida fikr bildirishdi.

O‘z navbatida, RSTIAM ishchi guruhi a’zolari viloyatdagi sport tibbiyoti xodimlarining malakasini oshirishda yordam ko‘rsatishga tayyorligini aytishdi. Shundan so‘ng, markaz xodimlari muassasa tibbiy bo‘limi va oshxona holatini ko‘zdan kechirib, o‘z tavsiyalarini berishdi.