Chungvon Сhoy tashrifni "Universal" sport majmuasidan boshladi
Toshkentda oʻtayotgan dzyudo boʻyicha jahon chempionatining martabali mehmonlaridan biri Butunjahon taekvondo WT federatsiyasi prezidenti Chungvon Choy poytaxtimizga yetib kelgani haqida xabar bergan edik. Bugun faxriy mehmonning taekvondo WT boʻyicha Oʻzbekiston terma jamoasining bazasiga tashrif buyurishi va Assotsiatsiya rahbariyati bilan uchrashuvlar oʻtkazishi koʻzda tutilgan.
Biroz avval janob Choy Oʻzbekiston taekvondo assotsiatsiyasiga qarashli “Universal” sport majmuasida boʻldi. Unda Sportni rivojlantirish vaziri Adham Ikramov, MOQ raisi oʻrinbosari, Oʻzbekiston taekvondo WT assotsiatsiyasi rahbari Sherzod Tashmatov hamda yosh sportchilarimiz bilan uchrashuv oʻtkazildi. Suhbat davomida Adham Ilhamovich Chungvon Choyni mamlakatimizda taekvondo rivojini yangi bosqichga olib chiqish boʻyicha ishlab chiqilgan reja bilan yaqindan tanishtirdi.
