Musobaqaning tantanali ochilish marosimida O‘zbekiston Respublikasi Prezidenti huzuridagi xavfsizlik kengashi kotibi, O‘zbekiston triatlon federatsiyasi raisi Viktor Mahmudov, Sportni rivojlantirish vaziri Adham Ikramov, Samarqand viloyati hokimi Erkinjon Turdimov, MOQ bosh kotibi Oybek Kasimov ishtirok etishdi. Mutasaddilar musobaqani ochib berishar ekan, Prezidentimiz boshchiligida barcha Olimpiya sport turlari qatori triatlon rivojiga ham ulkan eʼtibor qaratilayotgani, buning natijasida sportning ushbu turi tez suratlarda rivojlanib va yoshlar orasida ommaviylashib borayotganiga toʻxtalib oʻtishdi.