Yana bir martabali mehmon qarshi olindi
Ma’lumki, hozirda butun dunyoning nigohi dzyudo bo’yicha kattalar o’rtasidagi jahon chempionatini qabul qilayotgan poytaxtimizga qaratilgan. Ayni paytda Xalqaro dzyudo federatsiyasi prezidenti Marius Vizer, Yaponiya Milliy Olimpiya qo’mitasi prezidenti Yasuxiro Yamashita kabi martabali mehmonlar Toshkentda bo’lib turishibdi. Bugun Sportni rivojlantirish vaziri Adham Ikramov, MOQ raisi o’rinbosari Sherzod Tashmatov Mo’g’uliston dzyudo federatsiyasi rahbari, mamlakat sobiq Prezidenti Xaltmagiyn Battulgani Islom Karimov nomidagi Toshkent xalqaro aeroportida kutib olishdi.
Musobaqa davomida yuqori martabali mehmonlarning tashrifi davom etadi. Yaqin vaqt ichida Butunjahon taekvondo federatsiyasi rahbari Chungvon Choi, Xalqaro Olimpiya qo’mitasi sport direktori Kit Makkonel kabi sport olamidagi e’tiborli shaxslar ham poytaxtimizga yetib kelishi kutilmoqda.
