Toshkentda oʻtayotgan dzyudo boʻyicha jahon chempionatida dastlabki medallar jamlanmasi oʻz egalarini topmoqda. Biroz avval -60 kg vazn toifasida bronza medali uchun bahs yakuniga yetdi.

Unda hamyurtimiz Dilshod Baratov ikki karra Olimpiya oʻyinlari sovrindori, 2015-yilgi jahon chempioni qozogʻistonlik Yeldos Smetovga qarshi bahs olib bordi. Qoʻshimcha vaqtlargacha choʻzilgan bellashuvda Baratov magʻlubiyatga uchradi. Qayd etish joiz, bu Baratov uchun kattalar oʻrtasidagi dunyo birinchiligida debyut ishtirok edi va hamyurtimiz uni kuchli beshlikda yakunladi.