28 Sentyabr 2022
2172
Olga Zabelinskaya davlat mukofotini qabul qilib oldi
Oʻzbekiston Respublikasi Mustaqilligining 31 yilligi arafasida mahoratli velosportchimiz Olga Zabelinskaya “Oʻzbekiston Respublikasida xizmat koʻrsatgan sportchi” faxriy unvoni bilan taqdirlangan edi. Avstraliyada oʻtgan jahon chempionatidan soʻng yurtimizga qaytib kelgan atletimiz bugun ushbu mukofotni qabul qilib oldi.
Faxriy unvonni Oʻzbekiston Respublikasi Oliy Majlisi Senati raisi, Oʻzbekiston velosiped sporti federatsiyasi rahbari Tanzila Norboyeva topshirdi. Uchrashuv davomida Tanzila Kamalovna sportchimiz bilan uning yaqin kelajakdagi rejalari, mamlakatimizda velosport, xususan, xotin-qizlar sportini yanada rivojlantirish kabi mavzularda suhbatlashdi.
