Bugun Oʻzbekiston oʻq otish sporti federatsiyasi va Oʻzbekiston etnosport assotsiatsiyasi raisi Oybek Norinboyev tavallud ayyomini nishonlamoqda.

Norinboyev Oybek Qobiljonovich 1979-yil ushbu sanada dunyoga kelgan. 2000-yil Toshkent Davlat iqtisodiyot universitetini, 2010-yil Oʻzbekiston Respublikasi Prezidenti huzuridagi Davlat va jamiyat qurilishi Akademiyasining Oliy biznes maktabini tamomlagan. Bir necha yil turli davlat sektorlari rahbarligida samarali mehnat qilgan Oybek Qobiljonovich 2019-yildan Oʻzbekiston oʻq otish sporti federatsiyasini, 2021-yildan esa Oʻzbekiston etnosport assotsiatsiyasi hamda Oʻzbekiston Geografiya jamiyatini boshqarib kelmoqda.

Oʻzbekiston Milliy Olimpiya qoʻmitasi Oybek Norinboyevni bugungi tavallud ayyomi bilan tabriklab, u kishiga uzoq umr, sihat-salomatlik va ulkan muvaffaqiyatlar tilab qoladi.