30-sentyabr – 9-oktyabr kunlari Xitoyning Chendu shahrida stol tennisi boʻyicha jamoaviy jahon chempionati boʻlib oʻtadi. Unda ham erkaklar, ham ayollar oʻrtasidagi bahslarda ishtirok etadigan atletlarimiz Chin oʻlkasiga yoʻl olishdi.

Reglamentga koʻra, jamoalar dastlab guruh, soʻng pley-off bosqichida ishtirok etishadi. Bu borada hamyurtlarimizning raqiblari 28-sentyabr kuni oʻtadigan qurʼadan soʻng maʼlum boʻladi. Jamoamiz musobaqaga quyidagi tarkibda yoʻl oldi:

Erkaklar: Abdulaziz Anorboyev, Shohruh Iskandarov, Elmurod Xoliqov, Zohid Kenjayev.

Ayollar: Asel Erkebayeva, Rozalina Xodjayeva, Soʻgʻdiyona Madaliyeva, Marhabo Magdiyeva.