Muxtorxon Tashxodjayev Parij-2024 Paralimpiya shaharchasi bilan tanishdi
Ma’lumki, Parij shahri 2024 yil XXXIII yozgi Olimpiya va XVII yozgi Paralimpiya o‘yinlariga mezbonlik qiladi. Ayni damda Fransiya poytaxtida 4 yillikning eng nufuzli sport tadbiriga katta ko‘lamli tayyorgarlik ishlari olib borilmoqda.
Osiyo Paralimpiya qo‘mitasi vitse-prezidenti, O‘zbekiston Milliy paralimpiya qo‘mitasi raisi Muxtorxon Tashxodjayev hamda qo‘mita Bosh kotibi Farruh Ahmedov shu kunlarda Parij-2024 tashkiliy qo‘mitasi taklifiga asosan Fransiyada bo‘lib turishibdi. Mutasaddilar tashrif doirasida barpo etilayotgan Paralimpiya shaharchasi va sport ob’ektlarini o‘rganib, uning taqdimotida bevosita ishtirok etishdi.
Shuningdek, safar davomida Parij-2024 tashkiliy qo‘mitasi rahbariyati hamda Fransiyaning bir qator nufuzli sport tashkilotlari vakillari bilan ham uchrashuvlar o‘tkazilishi rejalashtirilgan.
