13-16-sentyabr kunlari Chirchiq shahri ogʻir atletika boʻyicha kattalar oʻrtasidagi Oʻzbekiston kubogiga mezbonlik qiladi. Unda Respublikamizning barcha viloyatlaridan eng sara polvonlar oʻz mahoratlarini namoyish etishadi.

Musobaqada Olimpiada chempioni Akbar Joʻrayev, shuningdek, Doston Yoqubov, Adhamjon Ergashev, Tursunoy Jabborova kabi jahon chempionati gʻoliblarining ham oʻz qatnashishi kutilmoqda. Turnirdan soʻng terma jamoamiz murabbiylar shtabi Osiyo chempionatida ishtirok etadigan yakuniy tarkibimizni belgilab oladi.