Bugun tennis boʻyicha Oʻzbekiston terma jamoasi aʼzosi Denis Istomin tavallud ayyomini nishonlamoqda.

Istomin Denis Olegovich 1986-yil 7-sentyabr kuni Rossiya Federatsiyasining Orenburg shahrida tavallud topgan. Xalqaro toifadagi sport ustasi. Jahon tasnif jadvalida 2013-yil 33-oʻringacha koʻtarilgan. 2017-yil Avstraliya ochiq chempionatida toʻrtinchi davragacha yetib borgani va bu yoʻlda serbiyalik Novak Jokovichni magʻlub etgani oʻsha yilning eng koʻp muhokama qilingan voqeliklaridan boʻlgan. 2015-yil Nottingem, 2017-yil Chendu shahrida oʻtgan ATR tasnifidagi musobaqalar gʻolibi. London-2012, Rio-2016 va Tokio-2020 Olimpiya oʻyinlari ishtirokchisi. Tennischimiz hisobida Osiyo oʻyinlarining 1 ta oltin, 2 ta kumush va 1 ta bronza medallari bor. Ushbu natijalari evaziga “Oʻzbekiston Respublikasida xizmat koʻrsatgan sportchi” faxriy unvoni bilan taqdirlangan. 

Oʻzbekiston Milliy Olimpiya qoʻmitasi Denis Istominni bugungi tavallud ayyomi bilan tabriklab, unga uzoq umr, sihat-salomatlik tilab qoladi.