28 Avgust 2022
1217
Oksana Chusovitinaning ekiprovkasi Olimpiya muzeyini bezab turibdi
Xalqaro Olimpiya qoʻmitasi oʻzbek va jahon gimnastikasi afsonasi Oksana Chusovitinaning Tokio-2020 Olimpiadasida ishtirok etgan ekipirovkasini Lozannadagi Olimpiya muzeyiga joyladi. Hamyurtimiz sakkizinchi Olimpiadasidan soʻng uni esdalik uchun muzeyga taqdim qilgan. Ushbu muzeydan zamonaviy Olimpiya oʻyinlariga oid eng qimmatli maʼlumot va eksponatlar joy olgan boʻlib, unga yiliga taxminan 250 ming nafar inson tashrif buyuradi.
