Poytaxtimizda taniqli davlat arbobi, Milliy Olimpiya qoʻmitasi va Oʻzbekiston futbol federatsiyasining sobiq raisi Mirabror Usmonov xotirasiga bagʻishlangan xalqaro turnir start oladi. 16 yoshgacha boʻlgan jamoalar ishtirokida tashkil etilayotgan mazkur musobaqada Oʻzbekiston, Eron, Tojikiston va Yaponiya oʻsmirlar jamoalari ishtirok etadi. Bugun turnirning ilk uchrashuvida vakillarimiz eronlik tengqurlariga qarshi bellashishadi. Bahs soat 18:30 da “JAR” stadionida boshlanadi.