Bugun bahslarga kirishgan dzyudo boʻyicha Oʻzbekiston terma jamoasi Konya-2021 V Islom birdamligi oʻyinlarida kunini ajoyib gʻalaba bilan yakunladi. Quvonarlisi, bellashuvlarni boshlagan 7 nafar vakilimizning barchasi shohsupaga koʻtarildi. Eng so’ngi bo’lib -63 kg vazn toifasida bahs olib borgan Sevinch Isoqova bronza medali uchun kechgan bellashuvda senegallik raqibasi ustidan gʻalaba qozonib, sovrindorlar qatoridan joy oldi. Bungacha jamoamizning 6 nafar a’zosi ham shohsupaga ko’tarilgan edi.