Konya arenalarida davlatimiz madhiyamiz yana bir bor jarang sochmoqda. Bu gal badiiy gimnastika boʻyicha guruh mashqlarida qizlarimiz tengsiz boʻlishdi. Shahzoda Ibragimova, Nargiza Jumaniyazova, Nilufar Aʼzamova, Mumtozabonu Isʼhoqzoda va Mariya Pakdan iborat beshlik 5 halqadagi dasturda (Xurshidabonu Abduraufova zaxirada) 34.750 ball bilan oltin medallarga sazovor boʻldi.