Bugun “Osiyo bolalari” sport oʻyinlarining ikkinchi kunida bir nechta sport turlari boʻyicha medallar oʻynalmoqda. Hamyurtlarimiz stol tennisi, taekvondo, badiiy gimnastika boʻyicha sovrinli oʻrinlar uchun kurashishmoqda. Quvonarlisi, bugun suzish dasturida jamoamiz yana bir medalga ega chiqdi.

Basketbolda guruh bosqichidan oʻrin olgan uchrashuvlar oʻtkaziladi. Unda Oʻzbekiston yoshlari primorsklik tengqurlariga qarshi bahs olib boradi. Ertaga musobaqani boshlaydigan yengil atletika, sambo, dzyudo, futzal va boshqa yoʻnalish vakillari bugun mashgʻulotlarni davom ettirishadi.