Saytning eski versiyasi

Safina Sadullayeva AQShning Yujin shahrida o‘tkazilayotgan yengil atletika bo‘yicha jahon chempionatini muvaffaqiyatli boshladi. Balandlikka sakrash sektorida “A” kvalifikatsiya guruhida ishtirok etgan yurtdoshimiz final yo‘llanmasini qo‘lga kiritdi. Atletlar final masalasini hal qilishlari uchun 1.93 metr balandlikni zabt etish kifoya qildi. Ahamiyatlisi, Safina o‘rnatilgan barcha plankalardan bir urinishda o‘ta oldi. Qayd etish joiz 1.93 metr Sadullayeva uchun joriy mavsumdagi eng yaxshi natija bo‘ldi. Endi u 19 iyul kuni medallar uchun kurashni davom ettiradi.