Kurashchi qizlarimiz Osiyo chempionatini kuchli uchlikda yakunlashdi
Manama shahri (Bahrayn) mezbonlik qilayotgan sport kurashlari bo‘yicha yoshlar o‘rtasidagi Osiyo chempionatida yana bir kun ortda qoldi. Quvonarlisi, unda bahs olib borgan 3 nafar qizimiz shohsupaga ko‘tarildi.
-57 kg vazn toifasida gilamga chiqqan Layloxon Sobirova barcha raqibalarini mag‘lubiyatga uchratib, qit’a chempionligini qo‘lga kiritdi. -53 kg vazn toifasida Dilshoda Matnazarova aylana tizimda o‘tgan bellashuvlar yakunida kumush medalga sazovor bo‘lgan bo‘lsa, -62 kg vaznda Rushana Abdirasulova shohsupaning uchinchi pog‘onasidan joy oldi.
Shu tariqa, kurashchi qizlarimiz qit’a birinchiligini 1 tadan oltin va kumush, shuningdek, 2 ta bronza medali bilan yakunlashdi. Ahamiyatliisi, ushbu natija bilan ayollar terma jamoamiz Yaponiya va Hindistondan so‘ng umumjamoa hisobida uchinchi o‘rinni egalladi. Endi yosh erkin kurash ustalari o‘z mahoratlarini namoyish etadilar.
