Vengriyaning Budapesht shahrida start olgan dzyudo boʻyicha “Katta dubulgʻa” turniridan xushxabar. Hamyurtimiz Rahimjon Subxonov ushbu nufuzli musobaqa finaliga yoʻl oldi.

-66 kg vazn toifasida bahs olib borayotgan polvonimiz dastlab Ozarbayjon, soʻng Italiya vakillarini, chorak finalda Tokio-2020 Olimpiadasining kumush medal sohibi gruziyalik Vaja Margvelashvilini, yarim finalda esa bahraynlik Ramazon Kodjakovni magʻlubiyatga uchratdi. Endi u oltin medal uchun Tokio-2020 chempioni yaponiyalik Xifumi Abega qarshi tatamiga chiqadi.

Kechki dasturda faoliyatidagi muhim xalqaro musobaqaning finalida bahs olib boradigan yurtdoshimizga omad tilaymiz!