5 Iyul 2022
1397
Regbichilarimiz ikkinchi divizionga chiqish arafasida
Ayni kunlarda Qirgʻiziston poytaxtida regbi-15 boʻyicha uchinchi divizion vakillari oʻrtasida Osiyo chempionati boʻlib oʻtmoqda. Unda ishtirok etayotgan terma jamoamiz hal qiluvchi bosqichga yetib keldi.
Saralash bahslaridan muvaffaqiyatli oʻtgan vakillarimiz yarim finalda Moʻgʻuliston termasini 17:10 hisobida magʻlubiyatga uchratishga muvaffaq boʻldi. Endi hamyurtlarimiz finalda Qozogʻistonga qarshi bellashishadi.
Ushbu bahs gʻolibning ikkinchi divizionga yoʻllanma olishi bilan yanada ahamiyatli. Ertaga boʻlib oʻtadigan oʻyinda yigitlarimizga omad tilab qolamiz.
