Malik Babayev 60 yoshda!
Bugun Oʻzbekiston MOQning sobiq raisi, hozirda mamlakat boks federatsiyasi raisining maslahatchisi sifatida faoliyat olib borayotgan Malik Babayev 60 yoshga toʻldi.
Malik Qurbonaliyevich Babayev 1962-yil 30-iyun kuni tavallud topgan. Poytaxtimizdagi Sharqshunoslik institutida bakalavr, Fransiyaning Lion shahridagi “Claude Bernard Lyon I” universitetining Sport menejmenti yoʻnalishida magistrlik bosqichida tahsil olgan. Sohada ulkan tajriba toʻplagach, 2001-2005-yillar MOQ Bosh kotibi, 2009-2012-yillar Qoʻmita prezidenti lavozimida faoliyat olib bordi. 2013-yildan shu paytgacha Oʻzbekiston boks federatsiyasida vitse-prezident, Bosh kotib, rais maslahatchisi kabi lavozimlarda mehnat qilib kelmoqda.
Oʻzbekiston Milliy Olimpiya qoʻmitasi, Sport faxriylari kengashi Malik Babayevni tavallud ayyomi bilan qutlab, unga uzoq umr va sihat-salomatlik tilab qoladi.
