Moʻgʻuliston poytaxtida dzyudo boʻyicha “Katta dubulgʻa” musobaqasi yakuniga yetmoqda. Bugun ogʻir vazn toifasida oʻtayotgan bellashuvlarda hamyurtimiz Davlat Bobonov (-90 kg) final yoʻllanmasini qoʻlga kiritdi.

Tokio-2020 sovrindori dastlab mezbon sportchi, shundan soʻng rossiyalik Mansur Lorsanov, yarim finalda niderlandiyalik jahon chempioni Noyel van Endni magʻlubiyatga uchratishga muvaffaq boʻldi. Yarim finaldagi gʻalabadan soʻng Bobonov niderlandiyalik ashaddiy raqibi bilan oʻzaro hisob-kitoblarini 2:3 koʻrinishida qisqartib oldi.

Endi hamyurtimiz oltin medal uchun oʻsmirlar Olimpiadasi chempioni, rossiyalik Mixail Igolnikov bilan toʻqnash keladi.