Koreya Respublikasida oʻtkazilayotgan taekvondo WT boʻyicha Osiyo chempionatining navbatdagi kun bahslari davom etmoqda. Quvonarlisi, bugungi bellashuvlarda ikki nafar vakilimiz shohsupaga koʻtariladigan boʻldi.

-74 kg vazn toifasida ishtirok etayotgan Jasur Jaysunov final yoʻllanmasini qoʻlga kiritdi. Hamyurtimiz dastlab Pokiston, ikkinchi davrada Xitoy Taipeyi vakilini, yarim finalda esa falastinlik raqibini magʻlubiyatga uchratdi.

-62 kg vazn toifasida Feruza Sodiqova yarim finalda eronlik Nastaran Valizodaga imkoniyatni boy berib, bronza medaliga sazovor boʻldi. Afsuski, -49 kg vazn toifasida Dinora Muxtorova medallar uchun kurashni erta tark etdi.