Terma jamoamiz Janubiy Koreyada oʻtkazilayotgan taekvondo boʻyicha Osiyo chempionatida navbatdagi medalini rasmiylashtirdi. -53 kg vazn toifasi ishtirok etgan Charos Qayumova musobaqani kumush medal bilan yakunladi.

Qayumova finalgacha yoʻlni mardonavor bosib oʻtdi. Biroq hal qiluvchi bellashuvda eronlik Nahid Kiyanchandehga imkoniyatni boy berib qoʻydi va kumush medal sohibasiga aylandi.

Shu tariqa, qitʼa birinchiligining birinchi kunida jamoamiz 1 ta oltin va 1 ta kumush medallariga sazovor boʻldi. Chempionat doirasida dayanga chiqadigan terma jamoamizning boshqa vakillariga ham ulkan zafarlar tilaymiz.