24 Iyun 2022 810

Ulugʻbek Rashitov hech bir raundni boy bermay Osiyo chempionligini qoʻlga kiritdi!

Janubiy Koreyada taekvondo boʻyicha Osiyo chempionati boʻlib oʻtmoqda. -68 kg vazn toifasida Ulugʻbek Rashitov finalda iordaniyalik Zaid Karimga qarshi dayanga chiqdi va ikkala raundda ham gʻalabaga erishib, Osiyo chempioniga aylandi!

Rashitov musobaqani nimchorak finaldan boshladi va falastinlik Fahid Abdulrazoqni 2:0 hisobida taslim qildi. Shundan soʻng chorak finalda moʻgʻulistonlik Engbold Buyanshagai, yarim finalda eronlik Doniyol Bozorgishob ham magʻlub etildi – 2:0.

Yana sanoqli daqiqalardan soʻng -53 kg vazn toifasida qitʼa chempionligi uchun bahs olib boradigan Charos Qayumovaga ham omad tilab qolamiz.

Belgilangan matnni tinglash uchun quyidagi tugmani bosing Powered by GSpeech