23 Iyun 2022 281

“Estafeta” yunon-rum kurashchilarimizda

Qirg‘izistonning Bishkek shahrida o‘tkazilayotgan sport kurashlari bo‘yicha o‘smirlar (U 17) va yoshlar (U 23) o‘rtasidagi Osiyo chempionatining navbatdagi kungi bahslari o‘z yakuniga yetdi.

Bugun yunon-rum kurashi bo‘yicha 23 yoshgacha bo‘lgan polvonlar o‘rtasidagi bahslarning birinchi kuni bo‘lib o‘tdi. Quvonarlisi, ushbu kun doirasida ishtirok etgan 4 nafar kurashchimizning bari medallarga ega chiqdi.

Shermuhammad Sharibjonov (-60 kg) va Abror Ataboyev (-66 kg) barcha raqiblarini mag‘lubiyatga uchratib, oltin medallarga sazovor bo‘lishdi. Afsuski, Jahongir Hamroyev (-72 kg) hamda Dilshod Omongeldiyev (-77 kg) hal qiluvchi bellashuvda imkoniyatni boy berib qo‘ydilar va kumush medal bilan musobaqani yakunlashdi.

Shu tariqa yunon-rum kurashchilarimiz birinchi kungi bellashuvlarni 2 ta oltin va 2 ta kumush medali bilan tugatishdi. Ertaga qolgan vazn toifalarida medallar uchun bellashuvlar davom ettiriladi.

Belgilangan matnni tinglash uchun quyidagi tugmani bosing Powered by GSpeech