23 Iyun 2022 157

Xalqaro Olimpiya kuniga IJFdan ajoyib yangilik: Parij-2024 kvalifikatsiya sikli boshlanmoqda!

Xalqaro dzyudo federatsiyasi (IJF) bugungi Olimpiya kuni munosabati bilan muhim yangilikni eʼlon qildi. Unga koʻra, ertaga start oladigan Ulan-Bator “Katta dubulgʻa” turniridan eʼtiboran ushbu sport turida Parij-2024 yoʻlida reyting ochkolarini jamgʻarish boshlanadi.

Xalqaro dzyudo federatsiyasi media boʻlimi vakili Jahongir Toshpoʻlatovning maʼlum qilishicha, boʻlajak musobaqada qoʻlga kiritilgan ochkolar 50 foiz miqdorda yangi yuritiladigan Olimpiya reytingga kiritiladi. Yana bir muhim jihati, 6-13-oktyabr kunlari Toshkentda oʻtkaziladigan jahon chempionati ham litsenzion xarakterga ega boʻladi.

Eslatib oʻtamiz, 24-26-iyun kunlari oʻtadigan Ulan-Bator “Katta dubulgʻa” turnirida 13 nafar vakilimiz yurtimiz sharafini himoya qilishadi.

Belgilangan matnni tinglash uchun quyidagi tugmani bosing Powered by GSpeech