Qirg‘iziston poytaxti Bishkek shahrida sport kurashlari bo‘yicha o‘smirlar (U17) va yoshlar (U23) o‘rtasidagi Osiyo chempionati davom etmoqda.

Bugun ikki kun davom etgan erkin kurash bo‘yicha o‘smirlar toifasidagi bahslar o‘z yakuniga yetdi. Qit’a birinchiligida Latif Halimov va Asror Xo‘jamurodov murabbiyligidagi 10 nafar yosh iqtidor egalari yurtimiz sharafini himoya qildi.

Yakunda ulardan 7 nafari shohsupaga ko‘tarildi. Kurashchilarimiz 2 ta kumush va 5 ta bronza medali bilan umumjamoa hisobida uchinchi o‘rinni band etishdi. Bu borada Hindiston terma jamoasi birinchi, Qozog‘iston esa ikkinchi o‘rinni egalladi.