20 Iyun 2022
1179
Osiyo chempionatida yana bir medal
Hindistonda velosportning trek yoʻnalishi boʻyicha qitʼa birinchiligi davom etmoqda. Bugun yosh sportchimiz Sofiya Karimova jamoamizga navbatdagi medalni taqdim qildi.
Yoshlar toifasida ochkolar boʻyicha guruh poygasi dasturida qatnashgan Karimova bronza medaliga sazovor boʻldi. Mahoratli sportchimiz keskin raqobatda Yaponiya va Qozogʻiston vakilalaridan keyingi natijani qayd etdi.
Velosport boʻyicha OCH,
Qizlar, ochkolar boʻyicha guruh poygasi
1. Maxo Kakita (Yaponiya)
2. Yelizaveta Grinberg (Qozogʻiston)
3. Sofiya Karimova (Oʻzbekiston)
Shu tariqa, sportchilarimizning mazkur musobaqadagi medallari soni ikkitaga yetdi. Eslatib oʻtamiz, kechagi dasturda Yanina Kuskova ham shohsupaning uchinchi pogʻonasidan joy olgan edi.
