Slalomda eshkak eshish boʻyicha Oʻzbekiston terma jamoasi vakillari Praga shahrida (Chexiya) xalqaro oʻquv-mashgʻulot yigʻiniga kirishdi. «Troya» nomli havzada olib borilayotgan mashgʻulotlarda slalomchilarimiz jahonning yetakchi sportchilari bilan tajriba almashishmoqda. 30-iyunga qadar davom etadigan ushbu yigʻin iyul oyida Germaniyaning Augsburg shahri mezbonlik qiladigan jahon chempionatiga tayyorgarlikning muhim bosqichi hisoblanadi.