Slalomda eshkak eshish boʻyicha Oʻzbekiston terma jamoasi bugun xalqaro oʻquv-mashgʻulot yigʻinida ishtirok etish uchun Pragaga yoʻl oldi. Chexiya poytaxtida olib boriladigan mashgʻulotlar 30-iyunga qadar davom etadi.

Ushbu yigʻin joriy yilning 19-31-iyul kunlari Germaniyaning Augsburg shahrida boʻlib oʻtadigan jahon chempionatiga tayyorgarlik vazifasini oʻtab beradi. Yigʻinga aynan Praga shahri tanlab olinishiga sabab u yerdagi kanal boʻlajak dunyo birinchiligi oʻtadigan havza bilan oʻxshash. Shu bois koʻplab mamlakat vakillari qatori hamyurtlarimiz ham Chexiyada tayyorgarlik bosqichini olib borishadi. Yigʻinga yoʻl olgan tarkibimiz:

С1: Alibek Temirgaliyev, Abubakr Bukanov
K1: Jonibek Temirgaliyev, Barkamol Mirzahamdamov.
Bosh murabbiy: Rustam Roʻziyev
Murabbiy: Izzatilla Rahmatullayev
Xalqaro mutaxassis: Pavel Smirnov