Konya yana eʼtiborimiz markazida. 13-22-iyun kunlari Turkiyaning ushbu shahrida stenddan otish boʻyicha Gran-pri turniri boʻlib oʻtadi. Unda hamyurtlarimiz ham dunyoning eng kuchli merganlari qatori medallar uchun kurash olib borishadi.

Turnirda terma jamoamiz ikki yoʻnalishda ishtirok etadi. Timur Yenaliyev trap yoʻnalishida, Bekzod Abdurahimov, Ruslan Utaganov va Behruz Sharapov aylana stend (skit) dasturida qatnashadi.

15-16-iyun kunlari T.Yenaliyev medallar uchun kurash olib borsa, 19-20-iyunda skitchilarimiz oʻz mahoratlarini namoyish etadilar. Hozir Timur Yenaliyev Konyaga yetib borgan va soʻnggi tayyorgarlik mashqlarini olib bormoqda.