Mamlakatimizda oʻtkazilayotgan futbol boʻyicha U23 Osiyo kubogida chorak final doirasidan oʻrin olgan yana bir bahs yakunlandi. Unda Koreya Respublikasi va Yaponiya jamoalari kuch sinashishdi.

Qiziqarli kurashlarga boy boʻlgan bellashuvda yaponiyaliklar yirik 3:0 hisobida gʻalaba qozonib, yarim final yoʻllanmasiga ega boʻldilar. Biz uchun ahamiyatli tomoni, jamoamiz final chiptasi uchun aynan ushbu jamoaga qarshi bahs olib boradi.

Oʻzbekiston va Yaponiya U23 terma jamoalari oʻrtasidagi yarim final bahsi 15-iyun kuni soat 21:00 da “Bunyodkor” stadionida start oladi.