Bugun velosport boʻyicha Oʻzbekiston terma jamoasi aʼzosi Murodjon Xolmurodov tavallud ayyomini nishonlamoqda.

Murodjon Xolmurodov 1982-yil 11-iyun kuni Xorazm viloyati Gurlan tumanida dunyoga kelgan. Koʻp yillar davomida nufuzli musobaqalarda mamlakatimiz sharafini munosib himoya qilib kelmoqda. 2013-yil Hindistonning Nyu-Dehli shahrida oʻtkazilgan Osiyo chempionatining ikki karra gʻolibi, 2011 va 2019-yilgi qitʼa birinchiliklari sovrindori. Sportchimiz 2018-yil Indoneziyada oʻtkazilgan Osiyo oʻyinlarida shosseda oʻtkazilgan individual vaqt poygasida kumush medalni qoʻlga kiritgan. London-2012 va Tokio-2020 Olimpiya oʻyinlarida shossedagi guruh poygasi dasturlarida ishtirok etgan.

Oʻzbekiston Milliy Olimpiya qoʻmitasi sportchimizni bugungi tavallud ayyomi bilan tabriklab, unga uzoq umr va sihat-salomatlik tilab qoladi.