Ayni kunlarda Turkiyaning Istanbul shahrida V etnosport madaniyat festivali boʻlib oʻtayotgani haqida xabar bergan edik. Festival doirasida Oʻzbekiston Respublikasi Sportni rivojlantirish vaziri Adham Ikramov hamda Butunjahon etnosport konfederatsiyasi raisi janob Najmiddin Bilol Erdoʻgʻon oʻrtasida rasmiy uchrashuv tashkil etildi.

Uchrashuv davomida janob Najmiddin Bilol Erdoʻgʻonga Oʻzbekiston milliy sport turlari va xalq oʻyinlari ensiklopediyasi taqdim etildi. Taʼkidlash kerak, ushbu ensiklopediya xalqaro konfederatsiya rahbariyatida ijobiy taassurot qoldirdi. Shundan soʻng, Oʻzbekiston etnosport assotsiatsiyasi hamda Butunjahon etnosport konfederatsiyasi oʻrtasida memorandum imzolandi.

Ushbu memorandum asosida milliy assotsiatsiyamiz xalqaro konfederatsiyaga aʼzolik yuzasidan ariza topshirdi.