10 Iyun 2022
1264
Elnur Abduraimovni tabriklaymiz!
Bugun taniqli bokschimiz, jahon chempionati sovrindori Elnur Abduraimov oʻz tavallud ayyomini nishonlamoqda.
Elnur Abduraimov 1994-yil 10-iyun kuni Toshkent viloyatida tugʻilgan. 2015-yil Qatarda oʻtkazilgan boks boʻyicha jahon chempionatining -60 kg vazn toifasi bronza medali sohibi. Bokschimiz hisobida Osiyo chempionatining oltin va bronza medallari ham mavjud. Hamyurtimiz professional boksda 9 ta jang oʻtkazib, ularning barchasida gʻalaba qozongan. Tokio-2020 Olimpiya oʻyinlarida -63 kg vazn toifasida yurtimiz sharafini himoya qildi.
Oʻzbekiston Milliy Olimpiya qoʻmitasi bokschimizni tavallud kuni bilan tabriklab, unga uzoq umr, sihat-salomatlik va ulkan zafarlar tilab qoladi.
